اہل بیت(ع) نیوز ایجنسی۔ابنا۔ کراچی/ شیعہ علماء کونسل پاکستان صوبہ سندھ کے صدر علامہ سید ناظر عباس تقوی کا کہنا ہے کہ پر امن مظاہرین پر تشدد قابل مذمت ہے حکومت کی جانب سے پرامن مظاہرین پر تشدد سے ملک بھر کی سیکیورٹی کی صورتحال ابتر ہوگئی ہے اس سے ملک بھر کی عوام اور عاشقان رسول میں بے چینی پائی جاتی ہے فیض آباد کے دھرنے میں موجود شرکاء سے حکومت کو مذاکرات کرنے چائیے تھے حکومتی طاقت کا استعمال کسی بھی طور پر صحیح فیصلہ نہیں تھا ملک تو اس وقت ویسے ہی بحران کا شکار ہے اور حکومت کی اس ناقص منصوبہ بندی کی وجہ سے ملک کے حالات اور بد امنی کی طرف جارہے ہیں پورے ملک میں عاشقان رسول کا سمندر اس وقت حکومت کے غلط فیصلوں کے خلاف نکل آیا ہے حکومت کو اب ہوش میں آنا چائیے کہیں ایسا نہ ہو کہ عاشقان رسول کا ملک بھر میں نکلنے والا یہ سمندر حکومت کو بہالے جائے ملک بھر میں ٹی وی چینلز کی نشریات بند کرنے سے عوام میں خوف کی فضاء قائم ہوگئی ہے حکومت کو چائیے کہ پرامن مظاہرہ کرنے والوں کے ساتھ بیٹھ کر اس مسئلے کوافہام و تفہم سے حل کیا جائے کہیں ایسا نہ ہو کہ ہمارا دشمن ہمیں نقصان پہنچائے اور ملک کے حالات مزید کشیدگی کی طرف جائیں۔
۔۔۔۔۔۔۔۔۔۔۔۔۔۔
۲۴۲
